أدلة خطيرة في أفتقاد شبابنا علي الشات
خطورة التعارف الخاطئ الي بيحصل بين البنات والولاد
عن طريق الشات
اكلمكم بوضوح عن خطورة التعارف الخاطئ
وبأدلة خطيرة جدآ
انا مش هقولكم أزاي بيبدأ الولد مع البنت التعارف لأنكم
كلكم عارفين الحكاية دي
لكن في ولاد كتير من ولادنا وبنات من بناتنا بيضيعوا
معظم وقتهم في التسلية دي
وبيضيعوا نفسهم ومستقبلهم ودراستهم
نتيجة التعارف الخاطئ دة
وانهم واخدين موضوع النت للتسلية واللعب مش للأستفادة
+ فكرت أدخل أعمل شات مع ولادنا وبناتنا دول وأفتقدهم
طبعآ هتسألوني هو في أفتقاد علي الشات ؟
بصراحة انا حسيت انهم محتاجين فعلآ للأفتقاد وحد يكلمهم .
بس هوصلهم أزاي ؟
فكان لازم أدخلهم عن طريق الشات . . .
في حاجة مهمة عاوزة أقولهالكم قبل ما أكلمكم
في الموضوع دة وأحزركم منها
أوعوا بعد ما تقروا كلامي في الموضوع تفكروا تدخلوا وتقولوا
هنفتقد شبابنا وبناتنا دول ـــــ لحسن تيجوا تفكروا تنصحوا حد منهم
تقعوا انتم في المحظور
لسبب بسيط : أنا لما بدخل أكلمهم فأنا أم وليا اولاد
بسمع وأنصح وأوجه
وسني كبير مش واحدة في سنهم
المهم ياشباب دخلت غرفة من الغرف بتاعتنا فلقيت
شباب كتير وبنات
شباب كتير وبنات عاوزين يتعرفوا عليا بطريقتهم المعتادة .
وهم فاكرين اني من سنهم
لكن كنت بوضح لهم الصورة وأفهمهم الهدف من
دخولي النت وعمل شات معاهم
والهدف دة هو أفتقادهم ومتابعتهم من الناحية الروحية
ومدي علاقتهم بالكنيسة
وعلاقتهم بربنا وأسمع مشاكلهم ونشترك مع بعض في حلها
مكدبش عليكم في البداية كان صعب أقناعهم بالخدمة دي
وبالأخص هم فاكرين اني من سنهم وبضحك عليهم .
بلغة عصرنا بشتغلهم
فكانوا بيطلبوا اكلمهم مايك أو أحط صورة علشان يتأكدوا
لكن كنت برفض وأسيبه لحريته الشخصية في الكلام معايا
وبكلام كتير وأرشاد من ربنا كانوا في النهاية بيقتنعوا
وبدأوا يتكلموا معايا وبوضوح وصراحة
شوفوا بقي الحاجات الخطيرة اللي كانوا بيعملوها علشان تاخدوا بالكم
والكلام دة بلســـــــــــــــــــانهم
يدخل الشاب يعمل التعارف مع البنت لغاية ما تثق فيه
وتقتنع انه بيحبها
وتبدأ بعد كدة خطوات الضياع . ياخدوا مواعيد ويتقابلوا .
والتليفونات
وخطوات تانية مقدرش اقولكم عليها وأكيد انتوا فهميني
الولد كل غرضه انه يوصل للبنت دي ازاي . وبعد كدة يسيبها
وهي تجري بقي تدور عليه . ماهو مديها معلومات غلط
ومش صريحة عن نفسه
حاجة تانية برضه كانت بتحصل للولاد ــ زي ما كانوا
بيضحكوا علي البنات
كان بينضحك عليهم بس من بنات تانية ومن غرف تانية
مش الغرف بتاعتنا
وتقنعهم بأساليب مختلفة لغاية ما يقع في الغلط
وانا بصراحة مش عاوزة اقولكم اكتر من كدة
وأكيد انتوا تأكدتوا من خطورة
التعارف عن طريق النت وعمل الشات
تخيلوا ! ! ! الشباب دول والبنات اللي كنت بكلمهم
اغلبهم في جامعات
يعني المفروض شباب ناضج وواعي لكن للأسف . . . ! ! !
ضيفت ميلاتهم عندي وكل يوم كنت أكلمهم علي الشات
وأتابعهم وأتابع مشاكلهم
وبتدخل من ربنا بعدوا عن السكة دي والتزموا في دراستهم
وبقوا يروحوا الكنيسة وفي منهم بقوا يحضروا اعداد خدام
علشان يبقي خادم
وكنت بقابلهم شخصيآ ويتكلموا معايا وجهآ لوجه
+++ أنا ليا رجاء عند خدامنا وشبابنا وبناتنا الناضجين فكريآ وعقليآ :
ياريت يخلوا بالهم من ولادنا وبناتنا في الكنيسة
ويبقي في صداقة قوية بينهم
وفي أنشطة نشركهم فيها وتكون الأنشطة اللي هم بيحبوها
ونسمعلهم ويبقي باستمرار في متابعة مننا ليهم
نفتقدهم ونقعد معاهم
ونتابع مشاكلهم ونشترك معاهم في حلها
لأنهم فعلآ مفتقدين النقطة دي
وسامحوني ان كنت اتكلمت معاكم بوضوح في الناحية دي
ويارب أكون أدرت أوصلكم خطورة التعارف الخاطئ دة
مستنية ردكم ورأيكم في الموضوع
ومر تانية سامحوني
ربنا معاكم ويحافظ عليكم
وصلواتكم من أجلي
